მონაცემთა დაცვის ევროპული საბჭოს“ (EDPB) მიერ მიღებული სახელმძღვანელო რეკომენდაციები ,,მონაცემთა დაცვის ძირითადი რეგულაციის” (GDPR) თანახმად პერსონალური მონაცემების დამუშავების შესახებ ქართულ ენაზე გამოქვეყნდა
2024-02-27 13:45:58გიზიარებთ ,,მონაცემთა დაცვის ევროპული საბჭოს“ (EDPB) მიერ მიღებულ სახელმძღვანელო რეკომენდაციებს ,,მონაცემთა დაცვის ძირითადი რეგულაციის” (GDPR) თანახმად პერსონალური მონაცემების დამუშავების შესახებ.
გაიდლაინების თარგმანი მომზადდა გერმანიის საერთაშორისო თანამშრომლობის საზოგადოების (GIZ) საჯარო მმართველობის აღმოსავლეთ პარტნიორობის რეგიონული ფონდის პროექტის ფარგლებში და წარმოადგენს არაოფიციალურ თარგმანს.
მომზადებული თარგმანის მიზანია პერსონალურ მონაცემთა დაცვის ევროპული სტანდარტების პრაქტიკაში დამკვიდრება და ახალი საკანონმდებლო მოწესრიგების ,,ევროპის მონაცემთა დაცვის საბჭოს” მიერ შემუშავებული რეკომენდაციების შესაბამისად განმარტება.
აღსანიშნავია, რომ ,,მონაცემთა დაცვის ევროპული საბჭოს” (EDPB) ოფიციალურ გვერდზე, აღნიშნული რეკომენდაციების ქართულ ენაზე თარგმანიც განთავსდება.
გაიდლაინები მოიცავს თეორიულ და პრაქტიკულ ინსტრუქციებს შემდეგ საკითხებზე:
- სახელმძღვანელო რეკომენდაცია გამჭვირვალობის პრინციპის შესახებ;
- სახელმძღვანელო რეკომენდაცია თანხმობის შესახებ;
- სახელმძღვანელო რეკომენდაცია მონაცემთა სუბიექტებისათვის ონლაინ სერვისების მიწოდების კონტექსტში პერსონალური მონაცემების დამუშავების შესახებ;
- სახელმძღვანელო რეკომენდაცია მონაცემთა პორტირების უფლების შესახებ;
- მონაცემთა მეტად დაფარვის პრიორიტეტი, როგორც ალტერნატიული მიდგომის არჩევამდე ავტომატურად გამოყენებული საწყისი მეთოდი ახალი პროდუქტის ან მომსახურების შექმნისას.