რით შეგვიძლია დაგეხმაროთ?

თუ გაქვთ შეკითხვები პერსონალური მონაცემების დაცვასთან დაკავშირებით, ფლობთ ინფორმაციას შესაძლო კანონდარღვევის შესახებ, ან მიგაჩნიათ, რომ თქვენს მონაცემებს უკანონოდ ამუშავებენ - ამ გვერდის საშუალებით შეგიძლიათ მარტივად დაგვიკავშირდეთ და იმოქმედოთ თქვენი და სხვისი უფლებების დასაცავად.

მიიღეთ კონსულტაცია

გამოგვიგზავნეთ შეტყობინება

თუ ფლობთ ინფორმაციას შესაძლო კანონდარღვევის შესახებ და გსურთ, რომ აცნობოთ პერსონალურ მონაცემთა დაცვის სამსახურს, ამ გვერდის საშუალებით შეგიძლიათ გამოგვიგზავნოთ შეტყობინება. ამისთვის პირველ რიგში უნდა შეავსოთ „შეტყობინების“ ველი და მოგვაწოდოთ მაქსიმალურად დეტალური ინფორმაცია დარღვევის შინაარსის, ადგილის, დროის და სავარაუდო კანონდამრღვევის შესახებ. შეტყობინების გამოგზავნისას სასურველია მიუთითოთ საკონტაქტო მონაცემები, იმისთვის, რომ საჭიროების შემთხვევაში შევძლოთ თქვენთან დაკავშირება. თუმცა, თუ ანონიმურად დარჩენა გსურთ, შეავსეთ მხოლოდ ერთი სავალდებულო ველი. შეტყობინების გამოგზავნა შეგიძლიათ ჩვენი მობილური აპლიკაციის მეშვეობითაც.

თქვენი შეტყობინება წარმატებით გაიგზავნა.

შემოიტანეთ განცხადება

თუ მიგაჩნიათ, რომ თქვენს პერსონალურ მონაცემებს უკანონოდ ამუშავებენ და გსურთ, რომ პერსონალურ მონაცემთა დაცვის სამსახურმა რეაგირება მოახდინოს, უნდა მოგვმართოთ განცხადებით. განცხადების შემოტანა შეგიძლიათ როგორც ჩვენს ოფისში: თბილისი, ვაჩნაძის ქუჩა № 7, ასევე ელექტრონულად. ელექტრონული ფორმით განცხადების შემოსატანად შეგიძლიათ ჩამოტვირთოთ განცხადების ფორმა და შევსებული, ხელმოწერილი და დასკანერებული გამოგვიგზავნოთ მისამართზე: office@pdps.ge.  სამსახური გთავაზობთ უფრო მოქნილ შესაძლებლობასაც: დარეგისტრირდით საქმის წარმოების სისტემაში, სადაც ერთ ონლაინ სივრცეში შეძლებთ როგორც განცხადების შემოტანას, ასევე მისი განხილვის პროცესისთვის თვალყურის დევნებას და ამომწურავი ინფორმაციის მიღებას.

საქმის წარმოება განცხადების ფორმის ჩამოტვირთვა

ქუქის პოლიტიკა

თქვენ იმყოფებით პერსონალურ მონაცემთა დაცვის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies)

„მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე „მზა-ჩანაწერების“ პოლიტიკა

ვეთანხმები
არ ვეთანხმები

საქართველოს დელეგაციის ვიზიტი ევროპის საბჭოში

2015-11-26 12:09:12

 

2015 წლის 16 - 19 ნოემბერს საქართელოს დელეგაცია ვიზიტით ქ. სტრასბურგში ევროპის საბჭოში იმყოფებოდა. ვიზიტის მიზანი ევროპელი პარტნიორებისა და ექსპერტებისთვის საქართველოში მიმდინარე რეფორმების, მათ შორის პერსონალური მონაცემების დაცვის კუთხით გატარებული რეფორმების გაცნობა იყო.

საქართველოს დელეგაციამ თემატური შეხვედრები გამართა ევროპის საბჭოს ადამიანის უფლებათა დაცვის კომისარ ნილს მუჟნიეკთან, ვენეციის კომისიის სამდივნოს, ადამიანის უფლებათა დაცვის დირექტორატის, დემოკრატიული მმართველობის დირექტორატის, ევროპის საბჭოს ადამიანის უფლებათა დაცვის პოლიტიკის და თანამშრომლობის დეპარტამენტის, ინფორმაციული საზოგადოების დეპარტამენტის ხელმძღვანელებთან და სხვა ოფიციალურ პირებთან.

დელეგაციას პრემიერ-მინისტრის წარმომადგენელი ადამიანის უფლებათა და გენდერული თანასწორობის საკითხებში სოფო ჯაფარიძე ხელმძღვანელობდა, დელეგაციის წევრი იყო პერსონალურ მონაცემთა დაცვის ინსპექტორი თამარ ქალდანი. მისი შეფასებით, შეხვედრებმა ნაყოფიერად ჩაიარა და ევროპის საბჭოს წარმომადგენელებმა კიდევ ერთხელ დაადასტურეს მჭიდრო თანამშრომლობის გაგრძელების მზაობა საქართველოსა და ევროპის საბჭოს შორის.