რით შეგვიძლია დაგეხმაროთ?

თუ გაქვთ შეკითხვები პერსონალური მონაცემების დაცვასთან დაკავშირებით, ფლობთ ინფორმაციას შესაძლო კანონდარღვევის შესახებ, ან მიგაჩნიათ, რომ თქვენს მონაცემებს უკანონოდ ამუშავებენ - ამ გვერდის საშუალებით შეგიძლიათ მარტივად დაგვიკავშირდეთ და იმოქმედოთ თქვენი და სხვისი უფლებების დასაცავად.

მიიღეთ კონსულტაცია

გამოგვიგზავნეთ შეტყობინება

თუ ფლობთ ინფორმაციას შესაძლო კანონდარღვევის შესახებ და გსურთ, რომ აცნობოთ პერსონალურ მონაცემთა დაცვის სამსახურს, ამ გვერდის საშუალებით შეგიძლიათ გამოგვიგზავნოთ შეტყობინება. ამისთვის პირველ რიგში უნდა შეავსოთ „შეტყობინების“ ველი და მოგვაწოდოთ მაქსიმალურად დეტალური ინფორმაცია დარღვევის შინაარსის, ადგილის, დროის და სავარაუდო კანონდამრღვევის შესახებ. შეტყობინების გამოგზავნისას სასურველია მიუთითოთ საკონტაქტო მონაცემები, იმისთვის, რომ საჭიროების შემთხვევაში შევძლოთ თქვენთან დაკავშირება. თუმცა, თუ ანონიმურად დარჩენა გსურთ, შეავსეთ მხოლოდ ერთი სავალდებულო ველი. შეტყობინების გამოგზავნა შეგიძლიათ ჩვენი მობილური აპლიკაციის მეშვეობითაც.

თქვენი შეტყობინება წარმატებით გაიგზავნა.

შემოიტანეთ განცხადება

თუ მიგაჩნიათ, რომ თქვენს პერსონალურ მონაცემებს უკანონოდ ამუშავებენ და გსურთ, რომ პერსონალურ მონაცემთა დაცვის სამსახურმა რეაგირება მოახდინოს, უნდა მოგვმართოთ განცხადებით. განცხადების შემოტანა შეგიძლიათ როგორც ჩვენს ოფისში: თბილისი, ვაჩნაძის ქუჩა № 7, ასევე ელექტრონულად. ელექტრონული ფორმით განცხადების შემოსატანად შეგიძლიათ ჩამოტვირთოთ განცხადების ფორმა და შევსებული, ხელმოწერილი და დასკანერებული გამოგვიგზავნოთ მისამართზე: office@pdps.ge.  სამსახური გთავაზობთ უფრო მოქნილ შესაძლებლობასაც: დარეგისტრირდით საქმის წარმოების სისტემაში, სადაც ერთ ონლაინ სივრცეში შეძლებთ როგორც განცხადების შემოტანას, ასევე მისი განხილვის პროცესისთვის თვალყურის დევნებას და ამომწურავი ინფორმაციის მიღებას.

საქმის წარმოება განცხადების ფორმის ჩამოტვირთვა

ქუქის პოლიტიკა

თქვენ იმყოფებით პერსონალურ მონაცემთა დაცვის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies)

„მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე „მზა-ჩანაწერების“ პოლიტიკა

ვეთანხმები
არ ვეთანხმები

პერსონალურ მონაცემთა დაცვის ინსპექტორმა სასჯელაღსრულების სისტემაში ვიდეო/აუდიო მონიტორინგის განხორციელებისა და ჩანაწერების წარმოების საკითხის შესწავლა დაიწყო

2013-10-04 13:12:46

ბაჩო ახალაიას საკნის ვიდეო და აუდიო ჩანაწერების გავრცელების საფუძველზე პერსონალურ მონაცემთა დაცვის ინსპექტორმა სასჯელაღსრულების სისტემაში ვიდეო/აუდიო მონიტორინგის განხორციელებისა და ჩანაწერების წარმოების საკითხის შესწავლა დაიწყო.

მედია საშუალებებით გავრცელდა 2012 წლის ნოემბრის თვეში ბაჩო ახალაიას საკანში ვიდეო და აუდიო თვალთვალის ამსახველი კადრები. გავრცელებული ვიდეო და აუდიო მასალა ეხება არა მხოლოდ ბაჩო ახალიას, ასევე მასთან საკანში შესულ სხვა პირებსაც.
ვიდეო და აუდიო თვალთვალის განხორციელების კანონიერების შესწავლის მიზნით პერსონალურ მონაცემთა დაცვის ინსპექტორმა მიმართა როგორც სასჯელაღსრულების დეპარტამენტის თავმჯდომარეს, მიხეილ ღურწკაიას, ასევე საქართველოს სასჯელაღსრულების, პრობაციისა და იურიდიული დახმარების საკითხთა მინისტრს, სოზარ სუბარს და მოითხოვა როგორც ბაჩო ახალიას მიერ ვიდეო და აუდიო მონიტორინგის განხორციელებაზე გამოხატული თანხმობის ასლი, ასევე ინფორმაცია იმის შესახებ, თუ რა მიზნით და რა სამართლებრივი საფუძვლით ხორციელდებოდა ვიდეო და აუდიო მონიტორინგი, იყვნენ თუ არა ვიდეო და აუდიო თვალთვალის განხორციელების შესახებ ინფორმირებული საკანში შემსვლელი სხვა პირები და რა ზომები გატარდა ვიდეო და აუდიო ჩანაწერების უსაფრთხოებისა და არამართლზომიერი ხელყოფისგან დაცვის უზრუნველსაყოფად.
გავრცელებული ჩანაწერების საფუძველზე, პერსონალურ მონაცმეთა დაცვის ინსპექტორის აპარატი გეგმავს სასჯელაღსრულების სისტემაში ვიდეო/აუდიო მონიტორინგის განხორციელებისა და ჩანაწერების წარმოების საკითხის შესწავლას.